Dastlab Mo‘g‘uliston Raqamli rivojlanish va kommunikatsiyalar vazirligi Davlat kotibi Battsetseg Bataa bilan muzokaralar o‘tkazildi. Tomonlar hamkorlik masalalarini muhokama qilishdi hamda hukumatni raqamlashtirish sohasida tajriba almashdilar. Shuningdek, qo‘shma dasturlarni ishga tushirishga kelishib oldilar.

Bundan tashqari, IT-kompaniyalar uchun qonunchilik bazasini takomillashtirish sohasida ikki tomonlama sheriklik boʻyicha umumiy yoʻl xaritasini ishlab chiqish, shuningdek, iqtisodiyot tarmoqlari, sanoat tarmoqlarida davlat dasturiy mahsulotlarini joriy etish boʻyicha salohiyatli hamkorlik masalalari boʻyicha kelishuvlarga erishildi.

Bundan tashqari, vazirlik delegatsiyasi Mo‘g‘ulistondagi yirik texnologiya kompaniyalariga o‘z filiallarini mamlakatimizda joylashtirish va yangi bozorlarga chiqish imkonini beruvchi O‘zbekistonning IT salohiyati va foydali dasturlarini taqdim etdi. Shuningdek, O‘zbekiston vakillari tomonidan sun’iy intellektga asoslangan loyihalar, xususan, MyID ekotizimini va uning imkoniyatlari taqdimot qilindi.

Shuningdek, Mo‘g‘uliston Milliy IT Parki direktori J. Zolzaya bilan uchrashuv bo‘lib o‘tdi, unda ikkala tashkilotning startaplarni rivojlantirishga yondashuvlari, loyihalarni ko‘paytirish uchun qonunchilik bazasi va xorijiy investitsiyalarni jalb qilish mexanizmlari masalalari muhokama qilindi. Oʻzbekistonning startap ekotizimini mustahkamlash va xalqaro akseleratorlar bilan hamkorlik qilish, shuningdek, mahalliy taʼsischilarga oʻz yechimlarini xorijdagi yangi bozorlarga eksport qilishda koʻmaklashish boʻyicha tajribalar bilan oʻrtoqlashildi.

Muzokaralar natijasida ikki davlat texnoparklari oʻrtasida hamkorlik memorandumini imzolash rejalashtirilgan boʻlib, uning doirasida tomonlar innovatsiyalarni rivojlantirishga koʻmaklashish va tajriba almashish imkoniyatiga ega boʻlishadi, bu esa mintaqada iqtisodiy rivojlanish va texnologik imkoniyatlarni mustahkamlash uchun turtki boʻladi.

O'z navbatida, Moʻgʻuliston Savdo-sanoat palatasi prezidenti Dashtserengiin Enxtuvshin bilan uchrashuv tashkil etildi.

Unda Mo‘g‘uliston tomoni mamlakatning yashil energiyaga o‘tish va hamkorlikning turli yo‘nalishlari, jumladan, IT-texnologiyalari sohasida hamkorlik qilishga tayyorligini alohida qayd etdi.

O‘zbekiston tomoni mamlakatning so‘nggi yillarda yashil energiya olish borasida erishgan yutuqlari haqida ma'lumot berdi hamda Uzinfocom – yagona integratori tomonidan ishlab chiqilgan yagona billing tizimining “Raqamli energiya” loyihasining qisqacha taqdimotini o‘tkazdi.