Raqamli texnologiyalar vaziri Sherzod Shermatov Namangan shahrida joylashgan IT Park rezidenti “Sitelabs company” faoliyati bilan tanishdi.
Ushbu ofisda 100 ga yaqin yoshlar yuqori daromadli ish bilan ta’minlangan va yiliga 1 million dollar atrofida exportga erishish reja qilingan.
Qolaversa, kompaniya turli xil IT-xizmatlari: IT-autsorsing, dasturiy ta’minotni joriy etish, ma’lumotlarni bulutli saqlash, mobil ilovalar va veb-saytlarni ishlab chiqish bilan shug'ullanib keladi.
Tashrif davomida vazir kompaniya faoliyati bilan atroflicha tanishib, uning eksport hajmini kengaytirish, yangi startaplarni joriy etish,ko‘proq ishchi o‘rinlari yaratish yuzasidan takliflar berib o'tdi.