Тошкент, Бухоро ва Фарғона вилоятларида янги Дата марказлари ташкил этилади ва Халқаро пакетли коммутация марказларининг ўтказувчанлик қобилияти 1,3 баробарга оширилади
2023-01-27 13:00:00 / Вазирлик янгиликлари
«Ўзбекистон Республикаси Президентининг «Ўзбекистон — 2030» стратегиясини тасдиқлаш ва уни самарали амалга ошириш чора-тадбирлари тўғрисида»ги Фармони ҳамда «Ўзбекистон Республикаси ва Япония ўртасида икки томонлама ҳамкорликни янада кенгайтириш ва мустаҳкамлаш чора-тадбирлари тўғрисида»ги қарорига мувофиқ Япония халқаро ҳамкорлик банки (JBIC) ҳамда «MUFG Bank» банки билан «Ўзбектелеком» АК ўртасида республика телекоммуникация инфратузилмасини янада ривожлантиришни кўзда тутувчи лойиҳаларни молиялаштириш бўйича битимлар имзоланди.
Бу лойиҳалар аҳоли ва тадбиркорларнинг интернет хизматларига ўсиб бораётган талабларини қондириш бўйича навбатдаги қадам бўлади.
Мазкур лойиҳаларнинг амалга оширилиши натижасида:
– Халқаро пакетли коммутация марказларининг ўтказувчанлик қобилияти 1,3 баробарга оширилади;
– республика телекоммуникация тармоғининг ўтказувчанлик қобилияти 1,15 баробарга оширилади;
– Тошкент, Бухоро ва Фарғона вилоятларида янги Дата марказлари ташкил этилади.
Лойиҳани амалга оширишда Япония экспорт ва инвестиция суғурта компанияси (NEXI), Toyota Tsusho Corporation, Интернет Инитиативе Жапан, NEC ва NTT Communications аби етакчи компаниялар иштирок этадилар.