Ochilish marosimida Navoiy viloyati hokimining o‘rinbosari Erkin Kamolov, IT Park direktori o‘rinbosari Fayzulla Aripjanov, aholi va yoshlar hamda keng jamoatchilik vakillar ishtirok etdi.

IT Parkning Navoiy filialiga rezidentlari uchun 5 ta hamda o‘quv kurslari uchun 3 ta xonalar ajratilib, zarur kompyuter to‘plamlari bilan ta’minlangan. Shuningdek, dasturlashga qiziqishi bo‘lgan yoshlar kelib ishlashlari uchun co-working hududi, muzokaralar xonasi va boshqa yordamchi xonalar ham zamonaviy talablar asosida jihozlangan.

Ayni paytda IT Parkning bir qator rezidentlari Navoiy filialiga mansub: “Sensorika” MCHJ - IT ta’lim, “Softex” HK - dasturiy mahsulotlar ishlab chiqarish, “IT Dataware” MCHJ - IT xizmatlar eksporti, “Xiradmand Zarafshon” HK - masofaviy xizmatlar eksporti va “Susys-Academy” MCHJ – IT ta’lim yo‘nalishlarida faoliyat olib boradi.