Toshkent shahridagi Amity universitetida “Career Fest — 2026” mehnat va karyera festivali o‘tkazildi
2026-04-08 15:05:00 / Vazirlik yangiliklari
Joriy yilgi festivalda ishga joylashish va karyera rivoji masalalariga bag‘ishlangan suhbatlar, biznes va startap vakillari bilan uchrashuvlar, shuningdek, ekspertlar ishtirokidagi trening mashg‘ulotlari tashkil etildi.
Festivalda mahalliy va xalqaro miqyosdagi 80 ga yaqin kompaniya ishtirok etib, 500 ga yaqin bo‘sh ish o‘rinlari taklif qilindi. Vakansiyalar soni hamda yo‘nalishlar qamrovi kengaygani qayd etildi.
Tadbir 1000 dan ortiq ishtirokchilarni bir joyga jamladi va ular uchun sanoat yetakchilari bilan bevosita muloqot qilish, amaliy tajriba orttirish va mavjud karyera imkoniyatlari bilan tanishish uchun qulay muhit yaratildi.
Shuningdek, tadbir davomida soha ekspertlari tomonidan yoshlarning professional rivojlanishini qo‘llab-quvvatlashga qaratilgan tavsiyalar berilib, zamonaviy mehnat bozori talablariga mos ko‘nikmalar yuzasidan fikr almashildi.