Dastlab tadbir davomida yoshlarning zamonaviy kasblarga qiziqishini oshirish, ularni raqamli texnologiyalar va xorijiy tillar bo‘yicha sifatli ta’lim bilan qamrab olish bugungi kunning muhim ustuvor vazifalaridan biri ekani ta’kidlandi.

Mazkur “IT-shaharcha”da bir vaqtning o‘zida 60 nafar yosh tahsil olishi mumkin. Loyiha doirasida 5–11-sinf o‘quvchilari raqamli texnologiyalar hamda xorijiy tillar bo‘yicha boshlang‘ich bilimlarni bepul o‘zlashtirish imkoniyatiga ega bo‘ladilar.

“IT-shaharcha”da quyidagi yo‘nalishlarda bepul ta’lim beriladi:
- Kompyuter savodxonligi;
- Dasturlash;
- Data Science;
- Grafik dizayn;
- Xorijiy tillar.

Shuningdek, markazda zamonaviy jihozlangan kutubxona hamda shaxmat to‘garagi faoliyati ham yo‘lga qo‘yildi.

🗺  Qashqadaryo viloyati, Shahrisabz tumani, Furqat ko‘chasi

Bugungi kunga qadar Qoraqalpog‘iston Respublikasi, Sirdaryo, Samarqand, Farg‘ona, Buxoro, Toshkent va Navoiy  viloyatlaridagi “IT-shaharcha”larda 2 mingdan ortiq yoshlar zamonaviy axborot texnologiyalari hamda xorijiy tillarga o‘qitilmoqda.

O‘z hududingizdagi “IT-shaharcha”da tahsil olish uchun ariza qoldiring! https://docs.google.com/forms/d/e/1FAIpQLSfjN--XO7ctA-9cMjVRyfgtBd_GNFNQhiiUvtlYfO1SpUTJVg/viewform