Tadbir texnologiya va innovatsiyalar rivojiga hissa qo‘shayotgan ayol liderlar, tadbirkorlar, muhandislar, tadqiqotchilar, o‘qituvchilar va siyosatchilarni birlashtiradi.

Women in Tech — dunyoning 65 ta mamlakatidagi 500 mingdan ortiq ishtirokchini birlashtirgan global hamjamiyat hisoblanadi. Bosh qarorgohi Parijda joylashgan tashkilot Fransiya prezidenti homiyligi ostida faoliyat yuritib, ta’lim, biznes, raqamli inklyuziya va xalqaro ambassadorlik yo‘nalishlarida tashabbuslarni amalga oshirmoqda.

Arizalarni 10-iyulga qadar Women in Tech Awards rasmiy sayti orqali tegishli hudud va nominatsiyani tanlagan holda topshirish mumkin. Nomzod sifatida o‘zingizni ham, boshqa ishtirokchilarni ham ko‘rsatish mumkin.

G‘oliblar quyidagi nominatsiyalar bo‘yicha aniqlanadi:
– Yosh iste’dod egasi mukofoti (Aspiring Teen Award)
– Eng yaxshi hamkor mukofoti (Best Ally Award)
– Eng katta ta’sirga ega tashabbus mukofoti (Most Impactful Initiative Award)
– Web3 sohasidagi ayol mukofoti (Woman in Web3 Award)
– Eng innovatsion loyiha mukofoti (Most Disruptive Award)
– Startap mukofoti (Start-Up Award)
– Texnologik diplomatiya mukofoti (Tech Diplomacy Award)
– Global liderlik mukofoti (Global Leadership Award)
– Umrboqiy yutuqlar mukofoti (Lifetime Achievement Award)
– Faxriy mukofot (Honorary Award)

Mukofot 7 ta mintaqaviy bosqichni qamrab oladi: Lotin Amerikasi, Yevropa, Yaqin Sharq va Shimoliy Afrika, Markaziy va Sharqiy Osiyo, Shimoliy Amerika, Afrika hamda Osiyo-Tinch okeani mintaqasi.

Mintaqaviy bosqich g‘oliblari jahon miqyosida o‘z hududini namoyon etish imkoniyatiga ega bo‘ladi. 2025-yilda mukofot finalida dunyoning 52 ta davlatidan 65 nafar ishtirokchi qatnashgan.

Kavkaz va Markaziy Osiyo vakillari Regional Awards mukofoti uchun ariza topshirishda Caucasus and Central Asia hududi hamda tegishli nominatsiyani tanlashi lozim. Joriy yilda Women in Tech CCA Awards taqdirlash marosimi Olmaota shahrida o‘tkaziladi.

Women in Tech Global Awards mukofotiga ariza topshiring va o‘z hikoyangizni butun dunyoga so‘zlab bering!

Ariza berish