Raqamli sakraş: Özbekiston BMTning Elektron hukumatni rivojlantiriş indeksida 2020-yilga nisbatan 55 poğonaga yuqorilab, 32-örinni egalladi
2026-11-20 09:00:00 / Vazirlik yangiliklari

Prezidentimiz Şavkat Mirziyoyev rahbarligida mamlakatda raqamli iqtisodiyotni rivojlantiriş, davlat boşqaruviga zamonaviy axborot texnologiyalarini keng joriy etiş va aholiga körsatilayotgan davlat xizmatlari sifatini oşirişga qaratilgan keng kölamli islohotlar amalga oşirilmoqda.
“Özbekiston — 2030” strategiyasida mamlakatni Birlaşgan Millatlar Taşkilotining Elektron hukumatni rivojlantiriş indeksi (UN EGDI) böyiça dunyoning eng ilğor 30 ta davlati qatoriga olib çiqiş ustuvor vazifalardan biri etib belgilangan. Uşbu maqsad doirasida elektron hukumat tizimini takomillaştiriş, telekommunikatsiya infratuzilmasini rivojlantiriş va raqamli davlat xizmatlarini kengaytiriş böyiça izçil işlar olib borilmoqda.
Mazkur saʼy-harakatlar natijasida Özbekiston BMTning 2026-yilgi Elektron hukumatni rivojlantiriş tadqiqoti (UN E-Government Survey 2026) böyiça 194 ta davlat orasida 32-örinni egalladi. Şuningdek, mamlakat ilk bor eng yuqori körsatkiçga ega davlatlar qatoriga — “Very High EGDI” guruhiga kirdi.
Eʼtiborlisi, Özbekiston 2020-yilga nisbatan 55 poğonaga, 2024-yildagi örindan 31 poğonaga yuqorilab, xalqaro reytingda 32-örinni egalladi.
Mamlakatning umumiy Elektron hukumatni rivojlantiriş indeksi (EGDI) 0,8930 ni taşkil etdi. 2024-yilda esa bu körsatkiç 0,7999 ga teng bölgan edi.
Tadqiqotda Özbekistonning onlayn davlat xizmatlari (OSI) 0,8885, telekommunikatsiya infratuzilmasi (TII) 0,9213 hamda inson kapitali (HCI) 0,8692 ball bilan baholandi.
Şuningdek, fuqarolarning davlat boşqaruvidagi iştiroki (PE) körsatkiçi 0,8276 ni taşkil etdi.
Hisobotda Özbekistonning raqamli transformatsiya borasidagi tajribasi, jumladan, sunʼiy intellekt va raqamli iqtisodiyotni rivojlantirişga qaratilgan taşabbuslari ham ijobiy misol sifatida qayd etilgan. Xususan, Sunʼiy intellekt va raqamli iqtisodiyotni rivojlantiriş markazining pilot loyihalari, davlat va xususiy sektorda sunʼiy intellekt texnologiyalarini joriy etiş, ilmiy hamkorlik va sohadagi tanlovlar eʼtirof etildi.
Uşbu natija mamlakatda elektron hukumat tizimini takomillaştiriş, davlat xizmatlarini raqamlaştiriş, zamonaviy telekommunikatsiya infratuzilmasini rivojlantiriş va davlat boşqaruvi samaradorligini oşiriş borasida amalga oşirilayotgan islohotlarning xalqaro miqyosdagi eʼtirofidir. Özbekiston belgilangan strategik maqsad — BMT reytingining TOP-30 taligiga kiriş sari yana bir muhim qadam taşladi.
